Feira Franca Medieval de BETANZOS
del 11 al 13 de julio de 2025
Feria Franca Medieval de Betanzos, del 11 al 13 de julio de 2025: programa, horarios y fechas
Betanzos ultima os preparativos da XXVI edición da Feira Franca Medieval. Celebrarase os días 11,12 e 13 de xullo e, a diferenza do pasado ano, ampliarase a rúa Santiago e Peixaría, que o pasado ano estaban cortadas por obras en ambas as rúas.
En canto aos postos, a edición deste ano chegou aos números do pasado ano con 360 solicitudes o que demostra que a cita medieval de Betanzos segue sendo un referente deste tipo de celebracións. Non en balde, tanto na caseta que Betanzos tivo na edición deste ano de Fitur, como posteriormente no propio Concello, volveron ser varios os municipios de distintas comunidades e tamén galegos que se interesaron por este celebración, uns desde un punto organizativo, e outros para poder visitala durante esa fin de semana de xullo.
As características do centro histórico, as súas rúas, e as medidas de seguridade fan inviable que poidan instalarse máis aló de 130 postos para a edición deste ano. A comisión técnica valorará agora as solicitudes presentadas por profesionais. Na valoración de autorizacións o Concello terá en conta a traxectoria de cada profesional así como o cumprimento, en caso de participar en edicións anteriores, do regulamento da feira.
Na relación de postos, o Concello volve destinar uns 25 a representantes das asociacións de Betanzos que así o solicitaron; a postos de gastronomía que poxa o Concello e a comerciantes que dispoñen de establecemento nalgunha das rúas nas que se desenvolve a feira.
En canto ás rúas, os postos instalaranse por Porta da Vila, rúa de O Castro, praza da Constitución; Santiago, Roldán; Peixaría, praza Fernández Pérez de Andrade, Santa María, e San Francisco, entre outras. Mentres, tamén se irán organizando as distintas actividades complementarias á feira entre as que tamén destacan as escenas representadas por veciños do municipio.
Neste sentido, abrirase proximamente o prazo de inscrición para que aquelas persoas que queiran participar activamente na feira como voluntarios poidan facelo en diferentes representacións, máis concretamente para o Tributo das Cen Doncelas, a entrada na cidade do Señor de Andrade ou a expulsión dos leprosos. Para todas elas búscanse “actores ou figurantes”. En total preténdense cubrir 150 prazas, as necesarias para desenvolver as escenas.
O Concello presentou tamén o cartel da Feira, elaborado polo ilustrador Luis Galán no que aparecen, coas cores e tons característicos da cartelería da feira, personaxes típicos do encontro, A porta dá Vila, as igrexas góticas do centro histórico e o tradicional bufo presente no cartel ao longo destes 26 anos.
Compártenos en Redes Sociales
TAMBIÉN TE PUEDE INTERESAR